Month: April 2024

O hyn ymlaen bydd dydd Llun cyntaf Mehefin yn ddechrau Wythnos Gwirfoddolwyr, eleni yn nodi 40 mlynedd ers yr wythnos ddathlu hefyd!

Heddi ni am rhannu’r asedau Wythnos y Gwirfoddolwyr gyda chi: https://volunteersweek.org/

Mae’r mwyafrif o’r asedau yn dwyieithog y blwyddyn ‘ma, sy’n ardderchog; https://volunteersweek.org/get-involved/resources/

Mae’r cardiau diolch a’r tystysgrifau ar gael yn y Gymraeg;
https://volunteersweek.org/get-involved/resources/saying-thank-you/

Eleni mae’r dyddiadau wedi newid, yn gorgyffwrdd a Wythnos y Gwirfoddolwyr mae’r Help Llaw Mawr mae obaith fod mudiadau yn gymryd rhan a gall fod yn ffordd o recriwtio mwy o wirfoddolwyr; https://www.thebighelpout.org.uk/

A fyddech gystal â’u rhannu gyda’ch cydweithwyr a rhwydweithiau.

Cryfhau’r sail ddeddfwriaethol ar gyfer gwaith ieuenctid yng Nghymru

Ymunwch â Cangen Ymgysylltu Gwaith Ieuenctid ar gyfer cam nesaf sesiynau ymgysylltu ‘Yr Awr Fawr’.

Cynhaliwyd cyfres o sesiynau ar-lein ‘Yr Awr Fawr’ ym mis Rhagfyr 2023 ac Ionawr 2024 i ymgysylltu â’r sector ar rai themâu allweddol yn ymwneud â chryfhau’r sail ddeddfwriaethol ar gyfer gwaith ieuenctid. Gallwch ddod o hyd i’r negeseuon allweddol o’r sesiynau hynny yma.

Ers hynny, mae amrywiaeth o bartneriaid a rhanddeiliaid wedi cyfarfod â’r tîm i archwilio’r themâu a’r materion hyn yn fanylach. Mae’r trafodaethau hyn yn helpu i lywio eu gwaith i ddatblygu cynigion i adolygu’r cyfarwyddiadau a’r canllawiau statudol presennol.

Bydd y gyfres nesaf o sesiynau ar-lein ‘Yr Awr Fawr’ yn canolbwyntio ar dri maes penodol:

• Cynllunio strategol ar gyfer gwaith ieuenctid
• Atebolrwydd o fewn gwaith ieuenctid
• Partneriaethau ar gyfer gwaith ieuenctid.

Maent am ymgysylltu â gwahanol grwpiau sy’n ymwneud â gwaith ieuenctid a’r rhai sy’n newydd i’r sector. Bydd cwestiynau allweddol yn cael eu cyflwyno i helpu i gasglu ystod amrywiol o brofiadau a syniadau. Rhoddir rhagor o fanylion am y sesiynau hynny isod. Ymunwch â’r sgwrs os gwelwch yn dda!

 

Cynllunio strategol ar gyfer gwaith ieuenctid

Pwy: Maent am glywed gan ystod o arweinwyr ym maes gwaith ieuenctid a’r rhai sy’n newydd i’r sector, i ddatblygu cylch cynllunio strategol effeithiol ar gyfer gwaith ieuenctid yng Nghymru.

Pryd: 13 Mai 10:00-11:30 neu 24 Mai 13:30-15:00.

 

Atebolrwydd o fewn gwaith ieuenctid

Pwy: Maent am glywed gan ymarferwyr gwaith ieuenctid, gan gynnwys rheini sy’n newydd i’r sector, i helpu i lywio’r gwaith o ddatblygu fframwaith atebolrwydd effeithiol ar gyfer gwaith ieuenctid yng Nghymru ar bob lefel.

Pryd: 17 Mai 10:00-11:30 neu 7 Mehefin 13:30-15:00.

 

Partneriaethau ar gyfer gwaith ieuenctid

Pwy: Maent am glywed gan y rhai sydd wedi sefydlu perthnasoedd mewn gwaith ieuenctid a’r rhai sy’n newydd i’r sector ac sydd am gyfrannu at gryfhau partneriaethau presennol a hyrwyddo arloesedd.

Pryd: 22 Mai 15:00-16:30 neu 10 Mehefin 10:00-11:30.

 

Sut i gofrestru:

Am fwy o wybodaeth, neu i gofrestru eich lle, e-bostiwch GwaithIeuenctid@llyw.cymru a rhowch wybod i nhw pa sesiwn a dyddiad/amser yr hoffech chi fod yn bresennol. Gallwch fynychu mwy nag un sesiwn.

Mae Bwletin Gwaith Ieuenctid diweddaraf Llywodraeth Cymru bellach yn fyw ar y wefan.

Gallwch ei weld yma: Bwletin Gwaith Ieuenctid: Ar Gael Nawr! (govdelivery.com)

Ar gyfer rhifynnau blaenorol o’r Bwletin gweler y dudalen hon: Cylchlythyrau gwaith ieuenctid | LLYW.CYMRU

Os hoffech dderbyn rhifynnau yn y dyfodol yn uniongyrchol gallwch danysgrifio yma: Tanysgrifio i gylchlythyr gwaith ieuenctid | LLYW.CYMRU

Os hoffech wybod mwy am y Bwletin, gan gynnwys sut i gyfrannu, cysylltwch â Swyddog Marchnata a Chyfathrebu’r Sector Ieuenctid yng Nghymru, Manon Williams, drwy Manon@cwvys.org.uk

Heddwch ac Ewyllys Da yr Urdd

Yn flynyddol ers 1922, mae pobl ifanc Cymru wedi rhannu neges o heddwch i’w cyfoedion dros y byd. Hyd heddiw, dyma’r unig neges o’i fath yn y byd ac mae’n draddodiad gwerthfawr sy’n pweru ieuenctid Cymru i ysgogi ac ysbrydoli gweithgarwch dyngarol yn rhyngwladol.

Bydd neges eleni yn cael ei rannu ar gyfrynagu cymdeithasol yr Urdd ar 17/05/2024 | 7:30am BST ar ffurf ffilm fer.

Thema Neges 2024:

Bwriad y Neges eleni yw dathlu Deiseb Heddwch Menywod Cymru a arwyddwyd gan 390,296 o fenywod Cymru yn 1923-1924. Canrif yn ddiweddarach, dyma ddatgan bod merched ifanc Cymru yn parhau i weithredu dros heddwch. Mae’r neges yn ein hysbrydoli i weithredu dros heddwch. Mae’n pwysleisio nad rhyfel a thrais yw’r ateb, ac yn ein hannog i arwain a chydweithredu dros ddyfodol gwell i bawb.

Mae’r Urdd yn gofyn am eich cefnogaeth drwy rannu’r neges fideo ar 17 Mai.

Heddiw – Nodwch yr 17eg o Fai yn eich calendr, a dilynwch yr Urdd ar:

Facebook, Twitter, LinkedIn, Instagram, TikTok.

I wybod mwy:

• Lawr lwythwch y Pecyn Partner
• Ewch yma i’n gwefan.

Gofynnwn yn garedig i chi ebostio Luned Hunter (Swyddog Rhyngwladol yr Urdd) – lunedhunter@urdd.org – yn cadarnhau eich bod yn hapus i rannu’r neges ar eich cyfrynagu cymdeithasol ar 17 Mai, a bydd Luned yn anfon lincs i’r posts i chi ar fore’r 17eg o Fai.

Gyda’n gilydd galw’n am heddwch ar 17 Mai 2024.

Diolch am eich cefngoaeth.

Mae Estyn yn recriwtio arolygwyr cymheiriaid i weithio ar eu harolygiadau ieuenctid.

Maen’t yn croeso ceisiadau gan ymgeiswyr unigol sydd:

• Ag o leiaf 3 blynedd o brofiad mewn sefydliad gwaith ieuenctid neu ym maes gwaith ieuenctid;
• Â phrofiad â thâl neu heb dâl (gwirfoddolwr) yn eu rôl gwaith ieuenctid, yn amser llawn neu’n rhan-amser;
• Â phrofiad o waith ieuenctid mewn rôl ansawdd.

Mae cymhwyster wedi’i gymeradwyo’n broffesiynol mewn gwaith ieuenctid (neu brawf eich bod yn gweithio tuag at un) yn ddymunol ond nid yn hanfodol ar hyn o bryd, gan fod y proffesiwn yn gweithio tuag at lefelau cymhwyster a chofrestru llawn. Bydd hyn yn ofyniad hanfodol o fis Medi 2026 ymlaen.

Dyddiad cau: 10yb ddydd Llun, 29 Ebrill 2024

Mwy o wybodaeth a pecyn cais ar gael yma: Gweithio i ni | Estyn (llyw.cymru)

 

Mae Darryl White (Swyddog Datblygu’r Gweithlu ar gyfer y sector cyfan, wedi’i leoli yn CLlLC), wedi gwneud trefniant gyda Brook i gyflwyno: DPP: Offeryn Goleuadau Traffig Ymddygiad Rhywiol Brook (RSE) i’r sector.

Bydd y cwrs hwn yn cael ei gyflwyno i 44 o staff o fewn y sector, yn ddelfrydol 22 o staff Awdurdod Lleol a 22 o’r sector Ieuenctid Gwirfoddol.

Gofynnwyd i ni drosglwyddo’r ffurflen Datganiad o Diddordeb sydd ynghlwm i’r Aelodau, mesur y diddordeb ac yna trosglwyddo’r manylion i Darryl i hysbysu’r sesiwn(sesiynau) hyfforddi.

Dyma’r dyddiadau oddi wrth Brook: Mehefin y 10fed, 17eg a 24ain. Mae pob sesiwn yr un peth, gall mynychwyr ddewis y dyddiad sydd well ganddynt o blith y tri a gynigir. Bydd yr hyfforddiant yn cymryd lle rhwng 9.30 yb a 3.30 yp, a fydd y cwrs ar-lein i fod yn fwy hygyrch. Rydym yn aros i glywed am darparieath Cymraeg.

A allwch chi rhoi wybod i ni trwy anfon y ffurflen nol i helen@cwvys.org.uk erbyn 22/04/24.

Dim ond un lle fyddai i bob aelod-sefydliad.

Diolch I’r pobl sydd wedi anfon eu ffurflennu yn ol yn barod 😊

 

 

Datblygu Gweithwyr Ieuenctid medrus iawn ar gyfer pobl ifanc Cymru

15 Ebrill 2024, 1-3pm

​Cyflwynir y gweminar yma gan y Grŵp Cyfranogiad Gweithredu Datblygu’r Gweithlu, un o bum grŵp sefydlwyd i gefnogi gwaith y Bwrdd Gweithredu Strategaeth Gwaith Ieuenctid.

​Fel rhan o’r gwaith parhaus i ystyried, datblygu a gweithredu argymhellion adroddiad terfynol y Bwrdd Gwaith Ieuenctid Dros Dro, ‘Mae’n bryd cyflawni dros bobl ifanc yng Nghymru’, rydym ni, fel GCG, yn cydnabod yr angen i ddeall yn well pan fydd angen gwaith pellach i helpu ddatblygu’r gweithlu. Mae hyn yn hanfodol i greu gweithlu medrus iawn sydd yn gallu bodloni anghenion cymhleth a chyfnewidiol cynyddol pobl ifanc ledled Cymru.

​Fel sydd yn wir i’r mwyafrif o broffesiynau, mae Gwaith Ieuenctid yng Nghymru yn wynebu heriau digynsail o ran recriwtio a chadw Gweithwyr Ieuenctid. Mae aelodau’r GCG yn ymdrechu i ddatblygu strategaethau sydd yn mynd i’r adael â’r materion yma. Yn y gweminar yma, cewch glywed am y cynlluniau sydd ar y gweill a chewch gyfle i ofyn cwestiynau a chynnig syniadau.

​Bydd y gweminar yn cynnwys:

​· Cipolwg ar waith yr GCG

​· Sesiynau ymgysylltu cynulleidfa ar:

– Ydy’r model cyflenwi gweithlu presennol yn addas i’w ddiben?

– Ble gellir dyrannu cyllid datblygu’r gweithlu?

– Sut gallwn ni hyrwyddo Gwaith Ieuenctid fel opsiwn gyrfa?

 

​Gobeithio y gallech ymuno â am sgwrs ddifyr dros gyfnod o ddwy awr gydag aelodau’r GCG – os oes gennych unrhyw gwestiynau, mae croeso i chi holi o flaen llaw wrth i chi gadw eich lle.

​Mae’r cyflwynwyr yn cynnwys:

​Jo Sims, Gwasanaeth Ieuenctid Blaenau Gwent – Cadeirydd GCG Datblygu’r Gweithlu

Steve Drowley, Cadeirydd ETS Cymru Wales

Emma Chivers, Ymgynghorydd Gwaith Ieuenctid

Darryl White, Swyddog Datblygu’r Gweithlu

Donna Robins, Cangen Ymgysylltu â Phobl Ifanc Llywodraeth Cymru

 

​Mae croeso i bobl sydd yn ymwneud â gwaith ieuenctid yng Nghymru ac sydd â diddordeb mewn dysgu mwy a chyfrannu i’r drafodaeth yma.

Cofrestrwch am ddim heddiw – https://lu.ma/lmkr04fv

​Bydd cyfieithu ar y pryd o Gymraeg i Saesneg a BSL ar gael.

 

Dewch yn Gydymaith – Ceisiadau ar agor

Ymrwymiad yr Academi Genedlaethol ar gyfer Arweinyddiaeth Addysgol yw sicrhau bod Cymru’n lle gwych i arweinwyr addysgol ac y byddwn, trwy ledaenu sgiliau arwain rhagorol ledled y system addysg, yn gwireddu uchelgais feiddgar ein cenedl ar gyfer dysgwyr.

Rydym yn chwilio am uwch arweinwyr o bob rhan o Gymru i ymuno â’r garfan nesaf o Gymdeithion. Ar gyfer y rownd nesaf hon o Gymdeithion, mae gennym ddiddordeb arbennig mewn penodi uwch arweinwyr o amrywiol leoliadau addysgol ledled Cymru gan gynnwys:

• Penaethiaid Cynorthwyol
• Dirprwy Benaethiaid
• Penaethiaid
• Uwch arweinwyr o’r sector gwaith ieuenctid
• Uwch arweinwyr o Addysg a Hyfforddiant Ôl-orfodol (gan gynnwys addysg bellach, dysgu oedolion yn y gymuned a dysgu seiliedig ar waith).

Mae’r Academi Genedlaethol ar gyfer Arweinyddiaeth Addysgol yn ceisio penodi Cymdeithion o blith grwpiau sydd wedi’u tangynrychioli gan gynnwys pobl Ddu a Mwyafrif Byd-eang ym mhob sector.

Dyddiad cau ar gyfer ceisiadau 10 Mai.

Darganfyddwch fwy ar y wefan.

Lawrlwythwch y canllaw cais

Lawrlwythwch y ffurflen gais

 

Mae Asiantaeth Gwybodaeth a Chwnsela Ieuenctid Ewrop (ERYICA) yn awyddus i gael gwybodaeth o ansawdd uchel sy’n gyfeillgar i bobl ifanc, a bob blwyddyn maent yn hyrwyddo ac yn dathlu’r nod hwn trwy Ddiwrnod Gwybodaeth Ieuenctid Ewropeaidd (EYID), a gynhelir ar Ebrill 17th.

Thema eleni yw Democratiaeth, os oes unrhyw un ohonoch yn gweithio ar neu’n meddwl ymlaen at Etholiadau Lleol y DU ar 2ail Mai, a sut i’w gwneud yn bwysig i’n cymunedau a’n pobl ifanc, yna efallai y bydd gweminar ERYICA o ddiddordeb ac yn ysbrydoliaeth i chi. Mwy o wybodaeth gan ERYICA isod.

 

“Democratiaeth ar Waith: Grymuso Ieuenctid trwy Wybodaeth”

Bydd y sesiwn ar-lein hon yn canolbwyntio ar bwysigrwydd pleidlais ieuenctid a democratiaeth yn
ein dyddiau.
Byddwn yn trafod sut y gall gwybodaeth ieuenctid lenwi’r bwlch mewn pobl ifanc
gwybodaeth am brosesau democrataidd wrth archwilio rôl gweithwyr ieuenctid mewn
hyrwyddo democratiaeth, yn enwedig ar adegau o adfyd.
Os oes gan eich sefydliad ddiddordeb mewn cyflwyno unrhyw dysteb am
y pwnc, peidiwch ag oedi cyn cysylltu â ni: aurelien.liot@eryica.org
Dyddiad: 17 Ebrill 2024

Eich sylw os gwelwch yn dda, bydd y gweminar yn cael ei gynnal yn Saesneg i gynulleidfa o fynychwyr gwaith ieuenctid Ewropeaidd amlieithog.

Ymunwch yma: https://us02web.zoom.us/webinar/register/WN_XRu1CAe9SrGkSAHtM8awCA#/registration

Dyddiadau tan Rhagfyr 2024 Mae pob cyfarfod yn dechrau am 10yb ac yn gorffen cyn 11.30yb, os hoffech fynychu cysylltwch a Catrin@CWVYS.org.uk
Mis	Canol De a De Ddwyrain Cymru	Gogledd. De Orllewin a Chanolbarth Cymru
Ebrill	25-4-24   Cyfarfod Cymru Gyfan
Mai	23-5-24	24-5-24
Mehefin	20-6-24	21-6-24
Gorffennaf	25-7-24   Cyfarfod Cymru Gyfan
Medi	26-9-24	27-9-24
Hydref	24-10-24	25-10-24
Tachwedd	21-11-24	22-11-24
Rhagfyr	12-12-24   Cyfarfod Cymru Gyfan

Cwblhewch yr Arolwg Sgiliau a Hyfforddiant!

Mae’r amser wedi dod i gwblhau’r Arolwg Sgiliau a Hyfforddiant. Fel rhan o’r gwaith parhaus i ystyried, datblygu a gweithredu’r argymhellion a wnaed gan y Bwrdd Gwaith Ieuenctid Dros Dro yn eu hadroddiad terfynol ‘Amser i gyflawni ar gyfer pobl ifanc yng Nghymru’, rydym yn cydnabod yr angen i ddeall yn well y sgiliau a’r hyfforddiant sydd gan y gweithlu gwaith ieuenctid ar hyn o bryd a lle mae angen gwneud rhagor o waith i helpu’r gweithlu i ddatblygu. Mae hyn yn hanfodol er mwyn sicrhau bod gennym weithlu medrus iawn sy’n gallu diwallu anghenion cynyddol gymhleth a newidiol pobl ifanc ledled Cymru.

Os ydych chi’n Ymarferydd Gwaith Ieuenctid, cwblhewch yr arolwg hwn a fydd yn ein galluogi i sefydlu beth sydd ei angen arnoch i ddatblygu eich sgiliau i ddiwallu anghenion pobl ifanc: Archwiliad Sgiliau a Hyfforddiant y Gweithlu Gwaith Ieuenctid – Unigol (data.cymru)

Os ydych chi’n Arweinydd Sefydliad Gwaith Ieuenctid ac yn gyfrifol am reoli Gwaith Ieuenctid, cwblhewch yr arolwg hwn a fydd yn amlinellu’r anghenion yn eich sefydliad: Archwiliad Sgiliau a Hyfforddiant y Gweithlu Ieuenctid – Cyflogwr (data.cymru)

CWBLHEWCH ERBYN: 15th Ebrill 2024

Drwy gymryd rhan yn yr Archwiliad Sgiliau a Hyfforddiant hwn, byddwch yn darparu gwybodaeth a mewnwelediad gwerthfawr i gefnogi dyluniad a gweithrediad rhaglen hyfforddi i helpu i fynd i’r afael ag anghenion hyfforddi yng Nghymru, gan flaenoriaethu’r themâu mwyaf cyffredin a nodwyd.