Category: Uncategorized

Adnoddau Taith

Posted on by Helen

 

Taith yw rhaglen cyfnewid dysgu rhyngwladol newydd Cymru.

Hoffech chi wybod mwy am sut i wneud cais i Rhaglen Taith a beth sydd ar gael i’r sector Ieuenctid?

Bydd Taith yn cynnig cyllid a chefnogaeth i fudiadau ieuenctid ledled Cymru, gan ganolbwyntio’n benodol ar y rhai sydd heb unrhyw brofiad neu brofiad cyfyngedig o symudedd rhyngwladol.

 

 

 

 

 

 

 

 

I gael rhagor o wybodaeth am weithgareddau cymwys, hyd a chyfraddau grant, gweler Canllawiau Rhaglen Taith

 

Gallwch ddod o hyd i restr o Gwestiynau Cyffredin yma; https://www.cwvys.org.uk/taith-gwestiynau-cyffredin/?lang=cy

Os oes gennych cwestiynnau, mae croeso i chi cysylltu a Helen Jones, Swyddog Cyfathrebu CWVYS drwy helen@cwvys.org.uk

Ymgyrch newydd Chwarae Cymru; “Pan o’n i dy oed di” 

Posted on by Helen

Mis ‘ma mae Chwarae Cymru wedi lansio Pan o’n i dy oed di…, ymgyrch newydd sydd wedi ei dylunio i herio’r rhagdybiaethau am arddegwyr a chwarae trwy ysbrydoli nostalgia ac atgoffa oedolion sut beth ydi bod yn ifanc.

Er bod chwarae, neu ‘gymdeithasu’, yn edrych yn wahanol heddiw efallai diolch i gyflwyniad technoleg a newid mewn arferion cymdeithasol, rydym am annog arddegwyr a’u rhieni, gwarchodwyr neu eu teidiau a’u neiniau i gymharu eu profiadau o chwarae a sylwi ar y tebygrwydd rhyngddyn nhw – boed hynny’n ddysgu dawns oddi wrth TikTok, neu oedolion yn chwarae ‘Snake’ ar eu Nokia 3310 ychydig flynyddoedd yn ôl!

Mae arddegwyr o bob cwr o Gymru wedi bod yn rhoi llais i’r ymgyrch, gan rannu eu profiadau o chwarae a chymdeithasu gyda’u ffrindiau, ac annog oedolion i feddwl am y tebygrwydd rhyngddyn nhw er mwyn annog pobl i fod yn fwy goddefgar o’u presenoldeb mewn mannau cyhoeddus.

Dyma ble rydym angen eich cymorth chi a’ch sefydliad!

Rydym angen eich help i rannu neges bwysig #PanOnIDyOedDi gyda chymaint â phosibl o arddegwyr ac oedolion yn rhannu eu profiadau.

Isod mae pecyn cymorth (yn Gymraeg a Saesneg) gyda mwy o wybodaeth am yr ymgyrch, a sut y gallwch ymuno yn y gwaith hyrwyddo trwy rannu ac annog y sgwrs ar y cyfryngau cymdeithasol.

Gŵyl Triban (2 – 4 Mehefin) – AM DDIM!

Posted on by Helen

Aduniad mwya’r ganrif!

Am y tro cyntaf erioed ac fel rhan o ddathliadau Canmlwyddiant Urdd Gobaith Cymru, bydd gŵyl o fewn gŵyl ar Faes Eisteddfod yr Urdd yn Sir Ddinbych eleni. Mae Gŵyl Triban yn gyfle i ddathlu’r gorau o gerddoriaeth a diwylliant cyfoes Cymru gydag “aduniad mwyaf y Ganrif”. Mae croeso cynnes i holl aelodau, cyn-aelodau a ffrindiau’r Urdd, hen a newydd ymuno.

Beth gallwch ei ddisgwyl? Gwledd o fwyd a diod, gan gynnwys bar, a chyfle i hel atgofion wrth fwynhau perfformiadau byw gan Eden, Gwilym, Eädyth, Tara Bandito, N’Famady Kouyaté a llawer mwy. Yn syml; Cwmni. Cofio. Cymdeithasu. Gwybodaeth bellach ar www.urdd.cymru/triban

Cost? Am ddim! Mi fydd mynediad i Triban (2 – 4 Mehefin) yn rhad ac am ddim ac yn gynwysedig yn y tocyn am ddim i faes yr Eisteddfod.

Tocyn? Oes! Er ei fod am ddim, mae’n rhaid archebu tocyn! Gellir gwneud hyn nawr ar www.urdd.cymru/tocynnau

Gwybodaeth bellach?
www.urdd.cymru/Triban
eisteddfod@urdd.org

*Linc i’r trailer fideo yma: https://twitter.com/i/status/1497179574181908486

Neges Heddwch ac Ewyllys Da 2022

Posted on by Helen

Yr Argyfwng Hinsawdd.

Mae neges Heddwch ac Ewyllys Da canmlwyddiant yr Urdd yn ffocysu ar yr argyfwng hinsawdd. Mae’n alwad-i-weithredu gan blant a phobl ifanc Cymru i bobl ifanc y byd, i ddefnyddio pwysigrwydd a phŵer ei llais i erfyn ar lywodraethau a chorfforaethau mawr i weithredu ar frys er mwyn achub ein planed. Mae’n amser deffro!

18 o Fai 2022 – Diwrnod Neges Heddwch ac Ewyllys Da

Rhowch 18 o Fai yn eich dyddiaduron, er mwyn ymuno gyda’r Urdd, Prifysgol Aberystwyth a phlant a phobl ifanc Cymru, wrth i ni rannu Neges Heddwch ac Ewyllys Da ein canmlwyddiant. Dilynwch @Urdd ar Twitter, ac Urdd Gobaith Cymru ar Facebook, a @UrddGobaithCymru ar Instagram wrth ddefnyddio #Heddwch100, er mwyn rhannu’r neges ar y diwrnod. Cadwch olwg allan ar gyfer pecyn ymgysylltu bydd ar gael i’w lawrlwytho yn agosach i’r amser.

Gallwch ddod o hyd i’r neges eu hunan yn nifer o ieithoedd yma;
https://www.urdd.cymru/cy/neges-heddwch-eleni/

Fforwm agored CWVYS ar Gofrestru Gweithwyr Ieuenctid ar y 5ed o Fai

Posted on by Helen

Mae cyfarfod ‘Rhanbarthol’ arbennig CWVYS wedi’i drefnu i edrych ar yr ymgynghoriad ar ymestyn cofrestriad ar gyfer y Sector Gwaith Ieuenctid.

Bydd yn fforwm agored CWVYS ar y 5ed o Fai 2022, yn ddechrau am 10yb.

Hoffai ein Cydlynydd Rhanbarthol Catrin James eich gwahodd i’r cyfarfod, i drafod yr ymgynghoriad diweddaraf yn ymwneud ag ymestyn categorïau cofrestru’r gweithlu yn y sector Gwaith Ieuenctid.

Gallwch ddod o hyd i’r ymgynghoriad yma; https://llyw.cymru/categoriau-cofrestru-newydd-ar-gyfer-cyngor-y-gweithlu-addysg

Yn y cyfarfod bydd swyddog o Llywodraeth Cymru yn ymuno â’r Aelodau a fydd yn rhoi trosolwg o’r ymgynghoriad.

Cewch gyfle gyda’ch cyd-aelodau i drafod y cwestiynau yn yr ymgynghoriad.

Dylai’r rhai sydd â diddordeb i fynychu rhoi wybod i Catrin@CWVYS.org.uk

Staff newydd yn CWVYS

Posted on by Helen

Bydd dau aelod newydd o staff yn ymuno â thîm CWVYS ar 1 Ebrill:

 

Branwen fel Cynorthwyydd Marchnata a Chyfathrebu (rhan amser), yn gweithio ochr yn ochr ag Ellie Parker: branwen@cwvys.org.uk

 

Kath fel Cydlynydd Sector Ieuenctid Taith (llawn amser) ar ran Consortiwm Sector Ieuenctid Taith: kathryn@cwvys.org.uk

 

Tra byddant wedi’u lleoli yn CWVYS, bydd y ddwy rôl yn cefnogi’r sector gwaith ieuenctid cyfan yng Nghymru.

Ni’n gwybod byddwch yn ymuno â ni i groesawu Branwen a Kath.

Gwobrau Heddychwyr Ifanc

Posted on by Helen

Mae Canolfan Materion Rhyngwladol Cymru (WCIA), Maint Cymru a CWVYS yn gweithio gydag Eisteddfod Gerddorol Ryngwladol Llangollen i ddathlu plant a phobl ifanc sydd wedi cyfrannu at heddwch, cyfiawnder hinsawdd a chydraddoldeb yn eu hysgol, grŵp ieuenctid, cymuned leol neu yn y byd ehangach.
Rydym yn cydweithio i gynnal Seremoni Wobrwyo Heddychwyr Ifanc yn yr Eisteddfod ar 7 Gorffennaf 2022, lle bydd pobl ifanc yn derbyn tystysgrif a gwobr.
Gobeithio y caiff plant a phobl ifanc (rhwng 5 a 25 bl. oed) eu hysbrydoli i fod yn greadigol ac i fynegi eu syniadau am sut y gall y byd fod yn fwy heddychlon, cyfiawn a chynaliadwy ar ôl COVID19 – ar ffurf geiriau, celf neu’n ddigidol.
Gall pobl ifanc unigol neu grwpiau gyflwyno ceisiadau o dan y categorïau canlynol:

  • Heddychwr Ifanc y flwyddyn
  • Awdur Heddwch Ifanc y flwyddyn
  • Artist Heddwch Ifanc y flwyddyn
  • Hyrwyddwr Hinsawdd Ifanc y flwyddyn
  • Dinesydd Byd-eang Ifanc y flwyddyn
  • Hyrwyddwr Treftadaeth Heddwch y flwyddyn
  • Heddychwr Ifanc Rhyngwladol (yn agored hefyd i bobl ifanc o’r tu allan i Gymru):

Mae hi hefyd yn dderbyniol i enwebu rhywun arall, gyda’u caniatâd.

Y dyddiad cau ar gyfer ceisiadau eleni yw 10 Mehefin, 2022.

Medrwch weld y telerau a’r amodau am y Gwobrau ar yma, yn ogystal â’r ffurflen gais.  Anfonwch eich ceisiadau at  centre@wcia.org.uk.

Taith – gweminar ar y ffurflen cais ar gyfer Ieuenctid

Posted on by Helen

Taith yw rhaglen cyfnewid dysgu rhyngwladol newydd Cymru.

Hoffech chi wybod mwy am Raglen Taith a beth sydd ar gael i’r sector Ieuenctid?

Mae gan y tîm Taith y digwyddiad i chi; https://www.taith.cymru/digwyddiadau/#application-support-youth

Beth am ymuno â’r weminar sydd yn edrych ar y ffurflen gais yn fanwl, cynnig cymorth ymgeisio i fudiadau ieuenctid a mynd i’r afael â chwestiynau ansoddol.

Dydd Iau nesaf, 24ain Mawrth 2022 am 3pm

Bydd Taith yn cynnig cyllid a chefnogaeth i fudiadau ieuenctid ledled Cymru, gan ganolbwyntio’n benodol ar y rhai sydd heb unrhyw brofiad neu brofiad cyfyngedig o symudedd rhyngwladol.

Bydd y sesiwn yn cael ei chyflwyno yn Saesneg, ond rhowch wybod i’r tîm ymlaen llaw os hoffech ofyn cwestiynau yn Gymraeg ac fe fyddan nhw’n trefnu cyfieithu ar y pryd.

Am fwy o wybodaeth am y digwyddiadau hyn a Taith cysylltwch a ymholiadautaith@caerdydd.ac.uk

Bydd yn ddigwyddiad rhithwir ar blatfform Teams, gallwch gofrestru yma.

Os na allwch fynychu, bydd y sesiynau’n cael eu recordio.

 

 

 

I gael rhagor o wybodaeth am weithgareddau cymwys, hyd a chyfraddau grant, gweler Canllawiau Rhaglen Taith

Digwyddiadau Taith

Posted on by Helen

Taith yw rhaglen cyfnewid dysgu rhyngwladol newydd Cymru.

Hoffech chi wybod mwy am Raglen Taith a beth sydd ar gael i’r sector Ieuenctid?

Mae gan y tîm Taith y digwyddiad i chi; https://www.taith.cymru/digwyddiadau/#intro-in-youth

 

Beth am fynd i “Cyflwyniad i Taith mewn Ieuenctid” ar Dydd Mercher y 16fed of Fawrth 2022 am 2pm

Mae’r gweminar hwn wedi’i gynllunio ar gyfer sefydliadau Ieuenctid Cymru i ddysgu mwy am y cyfleoedd a ariennir o dan Taith.

Bydd Taith yn cynnig cyllid a chefnogaeth i fudiadau ieuenctid ledled Cymru, gan ganolbwyntio’n benodol ar y rhai sydd heb unrhyw brofiad neu brofiad cyfyngedig o symudedd rhyngwladol.

Bydd y sesiwn yn cael ei chyflwyno yn Saesneg, ond rhowch wybod i’r tîm ymlaen llaw os hoffech ofyn cwestiynau yn Gymraeg ac fe fyddan nhw’n trefnu cyfieithu ar y pryd.

 

Am fwy o wybodaeth am y digwyddiadau hyn a Taith cysylltwch a ymholiadautaith@caerdydd.ac.uk

Bydd yn ddigwyddiad rhithwir ar blatfform Teams, gallwch gofrestru yma.

Os na allwch fynychu, bydd y sesiynau’n cael eu recordio.

 

Bydd digwyddiad arall yn ystod yr wythnosau nesaf yn edrych ar y ffurflen ei hun yn fanwl.

 

 

I gael rhagor o wybodaeth am weithgareddau cymwys, hyd a chyfraddau grant, gweler Canllawiau Rhaglen Taith

Cynorthwyydd Marchnata a Chyfathrebu SWYDD WAG

Posted on by Helen

Oriau gwaith:                                     24 yr wythnos

Hyd y cytundeb:                                1 Ebrill 2022 – 31 Mawrth 2023                                             

Cyflog:                                                £26,511 (£17,196 gwirioneddol)

Yn atebol i:                                        Prif Weithredwr CWVYS

Man Gweithio:                                   Gweithio gartref (Mae swyddfa CWVYS ym Mae Caerdydd)

Dymuna CWVYS recriwtio Cynorthwyydd Marchnata a Chyfathrebu, gan weithio ochr yn ochr â, ac yn gefnogaeth, Swyddog Marchnata a Chyfathrebu’r sector gyda chyfrifoldeb am amrediad o ddyletswyddau a phrosiectau. Ariennir y swydd hon gan Lywodraeth Cymru.

Rydym yn chwilio am berson cwbl ddwyieithog (Cymraeg a Saesneg), creadigol a medrus a fydd yn cefnogi anghenion marchnata a chyfathrebu’r sector gwasanaethau gwaith ieuenctid cyfan yng Nghymru.

Gwahoddir ymgeiswyr i nodi eu diddordeb yn y swydd hon trwy e-bostio paul@cwvys.org.uk  Wedi hyn, bydd copi o’r swydd ddisgrifiad/manyleb person a ffurflen gais yn cael eu hanfon atoch.

Wrth lenwi’r ffurflen gais, bydd disgwyl i ymgeiswyr brofi sut mae eu profiadau a’u sgiliau’n cyd-fynd â gofynion y rôl fel y nodir yn y swydd ddisgrifiad a manyleb person.

Y dyddiad/amser cau i dderbyn ceisiadau yw 2pm ar 11 Mawrth 2022.

Bydd yr ymgeiswyr hynny a hoffem eu cyfweld yn cael eu hysbysu o’r broses berthnasol maes o law.

Diolch am eich diddordeb.

SWYDD WAG: Cydlynydd Sector Ieuenctid Taith

Posted on by Helen

Rhaglen gyfnewid dysgu ryngwladol newydd Cymru yw Taith

Dymuna CWVYS recriwtio Cydlynydd ILEP y Sector Ieuenctid gyda chyfrifoldeb am amrediad o ddyletswyddau a phrosiectau. Ariennir y swydd hon trwy ILEP Limited a Llywodraeth Cymru.

Rydym yn chwilio am unigolyn medrus, a fydd yn sicrhau bod gan y sector ieuenctid yng Nghymru fynediad at wybodaeth a chymorth er mwyn cyfranogi mewn cyfleoedd rhyngwladol ac elwa ar alluoedd, safbwyntiau byd-eang ac ymgysylltiad cadarnhaol ymwelwyr rhyngwladol â Chymru.

Oriau gwaith:                                   37 yr wythnos

Hyd y cytundeb:                              1 Ebrill 2022 – 31 Mawrth 2023                                                     

Cyflog:                                                £27,741

Yn atebol i:                                        Prif Weithredwr CWVYS

Man Gweithio:                                 Gweithio gartref (Mae swyddfa CWVYS ym Mae Caerdydd)

Gwahoddir ymgeiswyr i nodi eu diddordeb yn y swydd hon trwy e-bostio paul@cwvys.org.uk  Wedi hyn, bydd copi o’r swydd ddisgrifiad/manyleb person a ffurflen gais yn cael eu hanfon atoch.

Wrth lenwi’r ffurflen gais, bydd disgwyl i ymgeiswyr brofi sut mae eu profiadau a’u sgiliau’n cyd-fynd â gofynion y rôl fel y nodir yn y swydd ddisgrifiad a manyleb person.

Y dyddiad/amser cau i dderbyn ceisiadau yw 12 canol dydd am 28 Chwefror 2022.

Bydd yr ymgeiswyr hynny a hoffem eu cyfweld yn cael eu hysbysu o’r broses berthnasol maes o law.

Diolch am eich diddordeb.