Category: Uncategorized

Llongyfarchiadau i bawb sydd wedi bod yn llwyddiannus yng ngalwad cyllid Llwybr 2 Taith.

Roedd Llwybr 2 2023 yn agored i sefydliadau o’r sectorau Ysgolion, Ieuenctid, Addysg Oedolion, Addysg Bellach ac Addysg a Hyfforddiant Galwedigaethol. 

Dilynwch y linc er mwyn weld tabl o’r grwpiau llwyddiannus – Canlyniadau galwad cyllid Llwybr 2 2023 Taith – Taith

Dydy hi ddim yn rhy hwyr i gymryd rhan yn Llwybr 1 Taith! Y dyddiad cau ar gyfer anfon ceisiadau ydy 12:00pm ar 20 Mawrth. 

Ydy eich ysgol neu sefydliad yn ystyried gwneud cais am gyllid Llwybr 1 Taith ar gyfer eich gweithgareddau symudedd rhyngwladol?  Mae WCIA a Diverse Cymru yma i’ch helpu.  Fel Hyrwyddwyr Taith, gallwn eich helpu gyda’ch ceisiadau, o ddarparu cymorth gweinyddol i helpu i adnabod darpar bartneriaid.   

Bydd yr olaf o’n tair gweminar yn cael ei chynnal ar 18 Mawrth am 4pm trwy Zoom.  Taith Champions – Pathway 1 Last Minute Q&A Tickets, Mon 18 Mar 2024 at 16:00 | Eventbrite

Mae’n gyfle i ofyn unrhyw un o’r cwestiynau munud olaf hynny rydych chi dal yn ansicr amdanynt, rhannu arfer gorau, a gweld beth mae sefydliadau o’r un anian yn cynllunio. 

Cliciwch yma i gofrestru 

Os wnaethoch chi golli ein gweminarau blaenorol, gallwch ddod o hyd i recordiadau ohonynt yma: 

https://us02web.zoom.us/rec/share/omUln1r99ksdzo1I_Zl9rOB4M5ZHpViBPcIxaAquMRQRjFIpuncbrseRozOdYjk8.Rt1Lo5SS-oG4XycP

Cyfrinair: Y6g^hk?$ 

Mae Estyn yn recriwtio arolygwyr cymheiriaid i weithio gyda nhw yn ystod ei harolygiadau ieuenctid.

Croesewir ceisiadau gan ymgeiswyr unigol sydd:

• Ag o leiaf 3 blynedd o brofiad mewn sefydliad gwaith ieuenctid neu ym maes gwaith ieuenctid;
• Â phrofiad â thâl neu heb dâl (gwirfoddolwr) yn eu rôl gwaith ieuenctid, yn amser llawn neu’n rhan-amser;
• Â phrofiad o waith ieuenctid mewn rôl ansawdd.

Mae cymhwyster wedi’i gymeradwyo’n broffesiynol mewn gwaith ieuenctid (neu brawf eich bod yn gweithio tuag at un) yn ddymunol ond nid yn hanfodol ar hyn o bryd, gan fod y proffesiwn yn gweithio tuag at lefelau cymhwyster a chofrestru llawn. Bydd hyn yn ofyniad hanfodol o fis Medi 2026 ymlaen.

Mae recriwtio’n dechrau o ddydd Llun, 4 Mawrth – ddydd Llun, 25 Mawrth 2024#

Gweithio i ni | Estyn (llyw.cymru)

Cynhaliwyd cyfres o sesiynau galw heibio ‘Yr Awr Fawr’ ar gyfer gweithwyr ieuenctid a gweithwyr cymorth ieuenctid ym mis Rhagfyr 2023 i gyflwyno’r dull arfaethedig o gryfhau’r fframwaith deddfwriaethol ar gyfer gwaith ieuenctid yng Nghymru, gan adeiladu ar ddatganiad diweddar Gweinidog y Gymraeg ac Addysg. Daeth dros 70 o bobl i’r sesiynau, ac roedd hynny wedi’n galluogi i ddechrau casglu ystod eang o safbwyntiau ac enghreifftiau o arfer da, gan gynnwys mewn perthynas â dulliau seiliedig ar hawliau, ac enghreifftiau arloesol o arwain a gweithio mewn partneriaeth. Cafwyd adborth gwerthfawr hefyd am feysydd y mae angen eu hystyried ymhellach, gan gynnwys cryfderau a gwendidau gwahanol ddiffiniadau o waith ieuenctid a sut y cânt eu cymhwyso, yr her o gydbwyso darpariaeth gyffredinol a’r ddarpariaeth sydd wedi ei thargedu, pa mor eglur yw’r rolau a therminoleg, a’r angen i godi mwy o ymwybyddiaeth mewn sectorau eraill y tu allan i waith ieuenctid, ac effaith hynny. Y prif negeseuon

• • “Cychwyn o’r cychwyn” – mae gwaith ieuenctid wedi colli ei wreiddiau a’i hunaniaeth mewn perthynas â bod yn wasanaeth cyffredinol ac yn hawl i bob person ifanc.

• • Angen clir am iaith symlach a mwy disgrifiadol i wahaniaethu rhwng gwaith ieuenctid a gwasanaethau cymorth ehangach fel bod pobl ifanc ac oedolion fel ei gilydd yn deall hyn yn haws.

• • Dylid cyflwyno hawliau mewn ffordd naturiol a grymusol ac ar draws pob maes addysg – nid mewn modd haearnaidd a biwrocrataidd.

• • Mae gwaith ieuenctid yn aml yn cael ei ystyried yn ddatrysiad ataliol ac nid fel ffurf deilwng ac effeithiol o addysg.

• • Mae ymarfer gwaith ieuenctid a diffiniadau/dealltwriaeth yn cael eu hysgogi gan newidiadau cymdeithasol, bylchau mewn gwasanaethau a straen gyllidebol – ac nid gan yr hyn y mae pobl ifanc ei eisiau neu ei angen.

• • Mae dathlu gwaith ieuenctid a gweithwyr ieuenctid yn helpu i godi proffil ac ymwybyddiaeth o’r sector a’i effaith.

• • Nid oes cydbwysedd bob amser rhwng darpariaeth wedi’i thargedu a darpariaeth gyffredinol, ond mae’r ddau yn bwysig ac yn dibynnu ar ei gilydd.

• • Mae gwaith ieuenctid yn canolbwyntio ar gyfleoedd, ond yn aml mae cyllid yn canolbwyntio ar broblemau.

• • Mae iaith sy’n seiliedig ar gyfleoedd yn fwy deniadol a chyffrous i bobl ifanc.

• • Mae mynediad at wasanaethau yn cael ei ysgogi gan atgyfeiriadau, yn cymryd llawer o amser ac yn gostus.

• • Mae gweithwyr ieuenctid yn aml yn cael eu hystyried yn arbenigwyr wrth greu a chynnal perthynas â phobl ifanc a gallant fod yn esiamplau ar gyfer gwasanaethau eraill.

• • Mae angen gwneud mwy i gau’r bwlch rhwng gwaith ieuenctid a sectorau eraill ac annog gweithwyr ieuenctid i ddylanwadu a llywio meysydd polisi sy’n effeithio ar bobl ifanc.

• • Mae angen eglurder ar atebolrwydd er mwyn i’r rhai sy’n gwneud penderfyniadau lywodraethu gwaith ieuenctid yn effeithiol ac i weithwyr ieuenctid gefnogi pobl ifanc i gymryd rhan.

Yn ystod cam nesaf yr ymgysylltu, byddwn yn trafod gydag awdurdodau lleol, sefydliadau gwirfoddol a rhanddeiliaid allweddol eraill i edrych yn fanylach ar rai o’r materion a nodwyd uchod a phynciau eraill. Bydd rhagor o wybodaeth ar y prif negeseuon o’r cam hwn yn cael ei rannu maes o law. Os ydych chi eisiau bod yn rhan o’r sgwrs, ond heb gael y cyfle eto, cysylltwch â GwaithIeuenctid@llyw.cymru

https://www.llyw.cymru/cyllideb-derfynol-2024-2025

Mae’r Gyllideb derfynol a gyhoeddwyd ar 27Chwefror 2024 yn rhoi manylion ynghylch cynlluniau’r llywodraeth o ran ariannu, trethiant a dyraniadau ar lefel MEG. Mae hefyd yn nodi cynigion gwario refeniw a chyfalaf y llywodraeth, gan gynnwys cynlluniau gwario manwl y portffolios.

Comisiynydd yr Heddlu a Throseddu yn croesawu aelodau newydd i’w Fforwm Llysgenhadon Ieuenctid (dyfedpowys-pcc.org.uk)

Ddydd Mercher 31 Ionawr, croesawodd Comisiynydd yr Heddlu a Throseddu Dafydd Llywelyn bobl ifanc o bob rhan o ardal yr Heddlu i Bencadlys yr Heddlu yng Nghaerfyrddin, sydd wedi’u penodi’n aelodau newydd o gynllun Llysgenhadon Ieuenctid Dyfed-Powys, ac a fydd yn gweithio gyda’r Comisiynydd i sicrhau bod lleisiau pobl ifanc yn cael eu clywed.

Mae cyfanswm o naw o bobl ifanc (pum aelod newydd a phedwar aelod blaenorol) bellach yn aelodau o’r rhaglen Llysgenhadon Ieuenctid, sy’n amrywio o ran oedran o 15 i 24 oed, ac fe’u gwahoddwyd i Bencadlys yr Heddlu ar 31 Ionawr, ar gyfer sesiwn gynefino a sesiwn hyfforddi i’w cefnogi a’u paratoi i gynrychioli pobl ifanc o Bowys, Ceredigion, Sir Gaerfyrddin a Sir Benfro. Darparwyd yr hyfforddiant mewn partneriaeth â darlithwyr Gwaith Ieuenctid ac Addysg Gymdeithasol o Yr Athrofa Addysg a’r Dyniaethau, Prifysgol Cymru Y Drindod Dewi Sant.

Sefydlodd y Comisiynydd Dafydd Llywelyn Fforwm Ieuenctid am y tro cyntaf yn 2018 gyda llysgenhadon ieuenctid ac mae wedi parhau i adeiladu ar y gwaith hyd yma, fel bod gan Dyfed-Powys Fforwm o Lysgenhadon Ieuenctid sy’n barod i ‘ddylanwadu’ a ‘herio penderfyniadau’, sicrhau bod gan gymunedau Dyfed-Powys Heddlu sy’n diogelu plant a phobl ifanc yn llwyddiannus ac yn hybu eu lles.

Llywodraeth Cymru i wahardd fêps tafladwy a chefnogi cynlluniau i godi oedran smygu | LLYW.CYMRU

Mae’r Dirprwy Weinidog Iechyd Meddwl a Llesiant Lynne Neagle wedi cadarnhau y bydd Llywodraeth Cymru yn bwrw ymlaen â chynlluniau i wahardd fêps tafladwy ac yn cefnogi deddfwriaeth Llywodraeth y DU i godi’r oedran smygu a chyfyngu ar werthu fêps.

Daw hyn yn dilyn cyhoeddi canlyniad yr ymgynghoriad pedair gwlad ‘Creu cenhedlaeth ddi-fwg a mynd i’r afael â fepio ymhlith pobl ifanc’ heddiw (dydd Llun 29 Ionawr).

Daeth yr ymgynghoriad i ben ar 6 Rhagfyr, a daeth 27,921 o ymatebion i law, 1,018 ohonynt o Gymru. Felly, bydd Llywodraeth y DU nawr yn cyflwyno Bil Tybaco a Fêps cyn gynted â phosibl a fydd yn cymryd camau i:

• newid yr oedran gwerthu ar gyfer pob cynnyrch tybaco, papurau sigaréts a chynhyrchion smygu llysieuol fel na chaniateir gwerthu cynnyrch tybaco yn gyfreithlon i unrhyw un sydd wedi’i eni ar 1 Ionawr 2009 neu wedi hynny (a’u gwahardd rhag prynu cynnyrch tybaco yn gyfreithlon yn yr Alban yn ogystal) ochr yn ochr â gwahardd gwerthiant procsi, a newid hysbysiadau rhybuddio
• cyflwyno pwerau rheoleiddio i gyfyngu ar flasau, mannau gwerthu a phecynnu ar gyfer cynhyrchion fepio (nicotin a heb nicotin) yn ogystal â chynhyrchion nicotin eraill i ddefnyddwyr
• cyflwyno pwerau gorfodi newydd ar gyfer Cymru a Lloegr ar gyfer achosion o dorri deddfwriaeth oedran gwerthu ar gyfer tybaco a fêps (nicotin a heb nicotin) a chynhyrchion nicotin eraill i ddefnyddwyr

Mae’r Pwyllgor Plant, Pobl Ifanc ac Addysg yn cynnal ymchwiliad i Blant a Phobl Ifanc ar yr Ymylon, sy’n ymwneud yn gryno â phlant coll a’r rhai sy’n agored i gamfanteisio troseddol.

Mae’r ymchwiliad hwn yn dilyn adroddiad y Pwyllgor ar ddiwygio radical ar gyfer plant sydd â phrofiad o fod mewn gofal. O’r dystiolaeth a ddaeth i law, amcangyfrifir bod y plant hyn yn cyfrif am bron i 40% o blant sy’n mynd ar goll yng Nghymru. Hefyd, soniwyd bod grwpiau penodol y credir eu bod mewn perygl o gael eu ‘troseddoli’ yn cynnwys plant sydd â phrofiad o fod mewn gofal, ceiswyr lloches sydd ar eu pen eu hunain, plant a phobl ifanc sy’n cael eu haddysgu heblaw yn yr ysgol, a phlant a phobl ifanc du a lleiafrifol ethnig.

Bydd yr ymchwiliad hwn yn canolbwyntio’n bennaf ar y canlynol:

• Plant sydd ar goll
• Plant a phobl ifanc sy’n dioddef camfanteisio troseddol

Byddwn hefyd yn canolbwyntio ar nodi grwpiau eraill o blant y nodwyd eu bod “ar yr ymylon,” fel ffocws posibl sesiynau craffu yn y dyfodol. Byddai’r rhain yn grwpiau o blant mewn amgylchiadau sy’n gofyn am ymateb penodol iawn gan wasanaethau plant neu ddarparwyr statudol eraill, ac yn blant y mae pryderon ynghylch yr ymateb presennol o ran polisi neu arferion.

I gael rhagor o wybodaeth am yr ymchwiliad ac i weld y cylch gorchwyl llawn, ewch i dudalen yr ymchwiliad.

Sut i rannu eich barn
Mae’r Pwyllgor wedi lansio ymgynghoriad, mae rhagor o wybodaeth am sut i gyflwyno ar gael ar dudalen yr ymgynghoriad. Y dyddiad cau yw dydd Iau 28 Mawrth.

SeneddPlant@senedd.cymru

@SeneddPlant

Mae ETS Cymru Wales yn gyffrous i lansio ei raglen hyfforddi ar gyfer 2023 / 2024 trwy gynnig dau gwrs cyffrous:

• Goruchwyliaeth yn y Cyd-destun Gwaith Ieuenctid (Cyrsiau Achrededig Lefel 3)
• Hyfforddiant Niwroamrywiaeth (cyfres o weithdai)
  Os hoffech wybodaeth neu i sicrhau lle, dilynwch y ddolen hon: http://tinyurl.com/tktcn35z
  Cofiwch gadw llygad ar Eventbrite ETS Cymru Wales gan y bydd mwy o hyfforddiant yn dilyn yn fuan.

Fel y gwyddoch efallai, mae Llywodraeth Cymru wedi comisiynu tîm o ymchwilwyr o brifysgolion Cymru i gynnal Adolygiad Cyllid.

Mae hwn yn ddarn hanfodol o waith ac mae’n seiliedig ar un o’r 14 argymhelliad y mae’r Bwrdd Gweithredu Strategaeth Gwaith Ieuenctid yn gweithio arnynt.

Mae’n hanfodol bod llais y sector gwaith ieuenctid gwirfoddol yn cael ei glywed yn y broses hon, gan y bydd tystiolaeth a ddarperir nawr yn llywio sut a ble y gall cyllid gefnogi’r sector yn fwy effeithiol yn y dyfodol.

Cwblhewch yr arolwg erbyn y dyddiad cau sef 12 Ionawr 2024:

https://wgu.onlinesurveys.ac.uk/arolwg-cyfranogiad-sector-gwirfoddol-2

https://wgu.onlinesurveys.ac.uk/voluntary-sector-participant-survey

Heddiw mae Gweinidog y Gymraeg ac Addysg wedi amlinellu’r camau nesa i ddatblygu argymhellion y Bwrdd Gwaith Ieuenctid Dros Dro gyda’r nod o sicrhau model cyflawni cynaliadwy ar gyfer gwaith ieuenctid yng Nghymru. Mae modd darllen mwy yma.

Ymuna yn y sgwrs

Diolch i bawb sydd wedi bwydo mewn i’r gwaith hwn hyd yma. Bydd y dull cydweithredol a fabwysiadwyd i lywio datblygiad y gwaith hwn yn parhau i fod yn hanfodol yn ystod y cam nesaf hwn, o dan gyngor y Bwrdd Gweithredu Strategaeth Gwaith Ieuenctid a’i Grwpiau Cyfranogiad Gweithredu, yn ogystal â phartneriaid eraill.

Dechreuodd cyfres o sesiynau ‘galw heibio’ Yr Awr Fawr ar gyfer gweithwyr ieuenctid a gweithwyr cymorth ieuenctid ar 11 Rhagfyr. Mae’r rhain wedi ymdrin ag amrywiaeth o themâu, gan gynnwys dull gweithredu yn seiliedig ar hawliau, diffiniadau a swyddogaethau gwaith ieuenctid, ac arweinyddiaeth a phartneriaethau. Bydd yr ymgysylltu hwn yn parhau yn y flwyddyn newydd, gyda chyfleoedd i unigolion ledled y sector gwaith ieuenctid a thu hwnt i fod yn rhan o’r sgwrs. Bydd manylion pellach yn cael eu rhannu yn fuan.