Category: Uncategorized

A hoffech chi i blant / pobl ifanc rydych yn gweithio â nhw gael eu cydnabod am eu cyfraniad i heddwch, cynaliadwyedd a chydraddoldeb yn rhan o ddigwyddiad rhyngwladol yng Nghymru?

Os felly, a wnewch chi eu hannog i ymgeisio am Wobrau Heddychwyr Ifanc 2023?

Ar 6 Gorffennaf 2023 bydd Canolfan Materion Rhyngwladol Cymru ar y cyd gydag Eisteddfod Gerddorol Ryngwladol Llangollen yn cynnal Seremoni Gwobrwyo Heddychwyr Ifanc ar faes yr Eisteddfod lle bydd pobl ifanc yn derbyn tystysgrif a Gwobr.
Mae’r CMRC yn estyn wahoddiad i blant a phobl ifanc (rhwng 5 a 25 blwydd oed) fynegi eu syniadau, eu teimladau a’u breuddwydion yn greadigol am sut medrwn greu byd mwy heddychlon, cyfiawn a chynaliadwy – trwy eiriau, celf neu yn ddigidol.
Gall pobl ifanc unigol neu grwpiau gyflwyno ceisiadau o dan y categorïau canlynol:

• Heddychwr Ifanc y flwyddyn
• Awdur Heddwch Ifanc y flwyddyn (2 gategori – i bobl ifanc Cynradd ac Uwchradd)
• Artist Heddwch Ifanc y flwyddyn (2 gategori – i bobl ifanc Cynradd ac Uwchradd)
• Dinesydd Byd-eang Ifanc y flwyddyn
• Sefydliad Ieuenctid Heddwch y flwyddyn (ar gyfer sefydliadau ieuenctid mwy)

Mae hi hefyd yn dderbyniol i enwebu rhywun arall, gyda’u caniatâd.
Y dyddiad cau ar gyfer ceisiadau eleni yw 12 Mehefin, 2023.

Medrwch weld disgrifiad mwy manwl am y categorïau, y telerau a’r amodau am y Gwobrau yn ogystal â’r ffurflen gais yma.

Anfonwch eich ceisiadau at centre@wcia.org.uk.

Isod mae gwybodaeth gan dîm Ymgysylltu Ieuenctid y Llywodraeth Cymru am y cymorth ychwanegol sydd ar gael i’r Sector Ieuenctid yng Nghymru;

Mae Gweinidog y Gymraeg ac Addysg wedi cytuno’n ddiweddar i gynnig cymorth pellach i’r sector gwaith ieuenctid i fynd i’r afael â rhai o heriau’r argyfwng costau byw a diogelu gwasanaethau wrth i ni barhau i weithio gyda’r Bwrdd Gweithredu Strategaeth Gwaith Ieuenctid a rhanddeiliaid eraill i ddatblygu a bwrw ymlaen ag argymhellion y Bwrdd Gwaith Ieuenctid Dros Dro. Bydd y camau hyn yn help i ymateb i unrhyw newid mewn anghenion pobl ifanc ac ar allu sefydliadau i barhau i ddarparu gwasanaethau sy’n diwallu’r anghenion hynny orau tra bod gwaith pellach yn cael ei wneud i ddatblygu argymhellion y Bwrdd Dros Dro.

Mae crynodeb o’r newidiadau hyn isod. Byddwn yn cysylltu â derbynwyr grantiau presennol a sefydliadau perthnasol eraill yn fuan i ddarparu rhagor o fanylion am y camau nesaf.

 

Y Cynllun Grant Strategol ar gyfer Sefydliadau Gwaith Ieuenctid Gwirfoddol (SVYWO)

Dyfarnwyd grantiau SVYWO yn wreiddiol yn gynnar yn 2022, ac maent yn rhedeg ar hyn o bryd o Ebrill 2022-Mawrth 2024. Byddwn yn cynnig mwy o gymorth drwy’r grant hwn o fis Ebrill 2023 ymlaen, fel a ganlyn:

• Bydd derbynwyr cyfredol grant SVYWO yn cael eu gwahodd i adolygu eu cynlluniau ar gyfer 2023-24 i gymryd i ystyriaeth amgylchiadau newidiol, y galw am wasanaethau, a mynd i’r afael ag newid mewn anghenion pobl ifanc ers cyflwyno ceisiadau yn hydref 2021.
• Bydd derbynwyr cyfredol grant SVYWO yn cael eu gwahodd i gyflwyno cais am barhad o gyllid am flwyddyn arall (hyd at fis Mawrth 2025).
• Byddwn yn agor ail rownd o gyllid drwy grant SVYWO ar gyfer sefydliadau gwaith ieuenctid gwirfoddol na fu’n llwyddiannus yn eu ceisiadau ar gyfer y rownd gyntaf, nad oeddent mewn sefyllfa i wneud cais am y rownd gyntaf, neu le y gallai eu hamgylchiadau fod wedi newid ac eu bod nawr yn dymuno gwneud cais am gyllid. Bwriedir i’r rownd newydd hon redeg rhwng Ebrill 2023 a Mawrth 2025.

 

Grant Cymorth Ieuenctid

Rydym yn bwriadu sicrhau bod cyllid pellach ar gael i awdurdodau lleol am gyfnod o ddwy flynedd (Ebrill 2023-Mawrth 2025) drwy’r Grant Cymorth Ieuenctid. Nod y cymorth ychwanegol hwn fydd amddiffyn a chryfhau gwaith partneriaeth gyda sefydliadau gwirfoddol a mynd i’r afael â’r heriau sydd wedi eu nodi uchod. Bydd uchafswm o 5% yn ychwanegol ar ben y dyraniadau presennol ar gael i awdurdodau lleol at y diben hwn. Disgwylir i gyllid ganolbwyntio ar ddarparu gwasanaethau.

 

Cefnogaeth i’r Sector Gwirfoddol

Byddwn yn gweithio gyda CWVYS i dreialu cynllun cymorth newydd ar gyfer sefydliadau gwaith ieuenctid gwirfoddol yn ystod 2023-24. Bydd hwn yn canolbwyntio ar roi mynediad cyflym a hawdd at gyllid i sefydliadau er mwyn helpu i liniaru rhai o’r heriau presennol. Bydd meini prawf a phrosesau ar gyfer y cynllun hwn yn cael eu datblygu dros yr wythnosau nesaf gyda’r nod o agor y broses ymgeisio ym mis Ebrill 2023. Bydd rhagor o wybodaeth ar gael am y cynllun hwn maes o law.

 

Datblygu’r gweithlu

Yn sgil argymhelliad y Bwrdd Gwaith Ieuenctid Dros Dro ar ddatblygu’r gweithlu a’r heriau sy’n gysylltiedig â recriwtio, cadw a hyfforddi staff, bydd cymorth ychwanegol ar gael i ETS yn ystod 2023-25 i helpu i ehangu cyfleoedd ar draws y sector o fewn y maes hwn. Bydd yr ehangu hwn yn ein helpu i ddeall yn well y materion allweddol yn ymwneud â datblygu’r gweithlu yn ogystal ag adnabod ffyrdd o gefnogi ymarferwyr yn eu gyrfaoedd o fewn y maes gwaith ieuenctid. Bydd y gwaith hwn yn canolbwyntio ar ategu a chyfoethogi cyfleoedd presennol. Megis dechrau mae cynllunio’r gwaith hwn a bydd y sector yn cael ei gynnwys yn y broses hon. Bydd rhagor o wybodaeth ar gael maes o law.

Yma gallwch ddod o hyd i ddatganiad ysgrifenedig gan Julie Morgan AS, y Dirprwy Weinidog dros Wasanaethau Cymdeithasol, ar Gyhoeddi Adroddiad y Grŵp Llywio, fel rhan o’r Adolygiad Gweinidogol o Chwarae: https://www.llyw.cymru/datganiad-ysgrifenedig-adolygiad-gweinidogol-o-chwarae-cyhoeddi-adroddiad-y-grwp-llywio

Mae tîm Taith wedi aildrefnu’r sesiynau buddiolwyr a ohiriwyd i’r wythnos nesaf.

Gallwch dod o hyd i ddolenni i gofrestru isod os gallwch chi fynychu.

Bydd buddiolwyr yn cael gwybodaeth am adrodd, gwneud newidiadau i brosiectau, gofyn am gyllid ychwanegol a hefyd dangosir adran yr aelodau ar wefan Taith iddynt.

 

Dydd Llun 06 Mawrth 12:30-1:30pm (Cymraeg)

Dydd Llun 06 Mawrth 4-5pm (Saesneg)

Dydd Iau 09 Mawrth 12:30-1:30pm (Saesneg)

 

Dim ond nodyn i’ch atgoffa bod cwpl o ddigwyddiadau Taith i chi eu mynychu cyn y dyddiad cau ar gyfer ceisiadau Llwybr 1 ar yr 16eg o Fawrth.

Cynhelir y digwyddiadau nesaf ar ddydd Mawrth y 7fed a dydd Iau y 9fed o Fawrth ac maent yn sesiynau cwestiwn ac ateb:

Os hoffech drafod eich syniadau ar gyfer cais gyda’r Corff Trefnu Sector ar gyfer Ieuenctid, cysylltwch â Chydlynydd Taith Canolfan Materion Rhyngwladol Cymru Vicky Court vickycourt@wcia.org.uk

Sesiwn Holi ac Ateb Llwybr 1 (cliciwch ar y dyddiadau i’w cysylltu â’r dudalen gofrestru):

• Dydd Mawrth 07 Mawrth 2023 12:30-13:30 (Saesneg)
• Dydd Iau 09 Mawrth 2023 16:00-17:00 (Saesneg)

Fel arfer, croesewir cwestiynau a sylwadau yn Gymraeg neu Saesneg ym mhob digwyddiad, dim ond disgrifio ym mha iaith y cynhelir y digwyddiad y mae’r iaith mewn cromfachau.

Gallwch ddod o hyd i restr o adnoddau a gasglwyd mewn un lle ar ein gwefan yma:
https://www.cwvys.org.uk/resources/?lang=cy

I aelodau CWVYS ac elusennau eraill yng Nghymru!

Gweler yr atodiadau hyn a’r neges ymhellach isod gan Jayne Kendall yn Ymddiriedolaeth Cranfield.

Taflen A4 Diwrnod Cyswllt Cranfield

Bywgraffiadau staff Cranfield

Maent yn cynnal diwrnod Cyswllt Elusennol ar yr 2il o Fawrth.
Bydd hwn yn ddiwrnod cyfan o gyngor arbenigol AM DDIM i elusennau.

Cofrestrwch a threfnwch apwyntiad os oes gennych chi neu’ch sefydliad unrhyw gyngor yr ydych yn chwilio amdano.

Gyda’r pwysau cynyddol ac uniongyrchol y mae elusennau yn ei wynebu yn yr hinsawdd bresennol rydym yn cynnig diwrnod llawn o gyngor arbenigol AM DDIM i elusennau gael mynediad at y cymorth personol sydd ei angen arnynt yn ystod apwyntiad ffôn penodol.

Os oes gennych unrhyw gwestiynau llosg i’n tîm o wirfoddolwyr cofrestrwch hefyd!

Dyddiad: Dydd Iau 2 Mawrth 2023

Amser: Apwyntiadau ar gael 9am – 5pm

Ar y diwrnod pwrpasol hwn, gall elusennau drefnu slot amser ar gyfer apwyntiad ffôn personol gydag un o’n Gwirfoddolwyr arbenigol neu Reolwyr Rhanbarthol i helpu i fynd i’r afael â pha bynnag her uniongyrchol y gallent fod yn ei hwynebu. Bydd apwyntiadau ar gael trwy gydol y dydd ond yn gyfyngedig felly peidiwch ag oedi!

Mae archebu’n gyflym ac yn hawdd – cwblhewch ein ffurflen ar-lein ac fe wnawn ni’r gweddill!

Gyda beth allwn ni helpu?

Mae pob cwestiwn yn wahanol a gallwn helpu gyda llawer o bethau gan gynnwys (ond heb fod yn gyfyngedig i):

Cynllunio ariannol a strategaeth
Llywodraethu
Ansolfedd
Arweinyddiaeth
Rheoli newid
Strategaeth a chynnwys digidol
Torri costau
Cyfeirio

 

Neu, yn syml, gallwn ddarparu seinfwrdd ar gyfer pa bynnag her y gall elusennau ei hwynebu.

Dymuniadau gorau

Jayne Kendall

Rheolwr Rhanbarthol Cymru

 

Roedd 2022 yn nodi 75 mlynedd ers sefydlu Cyngor Cymraeg y Gwasanaethau Ieuenctid Gwirfoddol  (CWVYS).

Yn ystod y flwyddyn gofynnwyd i gyfeillion CWVYS, staff blaenorol, Ymddiriedolwyr a Llywyddion y gorffennol a’r presennol a fyddent yn fodlon rhannu eu hatgofion o CWVYS dros y blynyddoedd.

Ein gobaith oedd cynnwys y rhain mewn dogfen yn amlinellu hanes CWVYS ochr yn ochr â gwybodaeth am ddyddiadau allweddol a datblygiadau yn y sector ieuenctid gwirfoddol yng Nghymru, y DU a thu hwnt.

Bu llawer o bobl yn garedig iawn yn rhannu eu myfyrdodau a’u hatgofion gyda ni, a chawsom y fraint o allu rhannu’r rhain a llunio amserlen 75 mlynedd o CWVYS.

Heddiw rydym yn falch iawn i rannu llyfryn dwyieithog sy’n ymdrin â CWVYS o 1947 i 2022! Gobeithiwn y bydd ein haelodau a’n cydweithwyr yn y sector ieuenctid yn ei weld mor diddorol a ni:

75 mlynedd o CWVYS DWYIEITHOG

Dros yr wythnossau nesaf byddwn yn cynnwys cyfraniadau unigol pobl yn llawn, ar ein gwefan o dan y tab Hanes.

Cafodd is-grŵp Diogelu CWVYS gyflwyniad llawn gwybodaeth gan Hannah Williams (Rheolwr Gwella a Datblygu Gofal Cymdeithasol Cymru – CChC).

Mae’r ddogfen hon yn rhoi amlinelliad o’r Safonau Diogelu Cenedlaethol: Cyflwyniad Lansio Safonau Hyfforddiant Diogelu Cenedlaethol Dwyieithog (002) CS (002)

Yn ychwanegol:

Bydd CChC yn ymchwilio i ba mor ddigonol yw’r hyfforddiant sydd ar gael i’r trydydd sector ac yn nodi unrhyw gynlluniau sydd ganddynt i helpu i gefnogi hyn. Os oes gan unrhyw un ymholiadau penodol, gallant eu cyfeirio at safeguardingstandards@socialcare.wales

 

Mae e-ddysgu mynediad agored Grŵp A ar gael yma https://learning.nhs.wales/course/view.php?id=368 ac mae CChC ar hyn o bryd yn gweithio ar allforio hwn i wefan Gofal Cymdeithasol Cymru.

 

Bydd y fframwaith hyfforddi yn cael ei lansio ddiwedd y gwanwyn. Bydd hwn yn amlinellu amcanion dysgu yn erbyn pob grŵp ynghyd â chanllawiau ar sgiliau a phrofiad hyfforddwyr sy’n cyflwyno’r dysgu. Mae sefydliadau yn dal i allu cyflwyno hyfforddiant yn fewnol ac yn aml gall hyn fod yn ffordd wych o addasu dysgu pwrpasol i natur y gwasanaethau a ddarperir.

Dyma ddolen i’r dudalen we sy’n cynnwys llawer o wybodaeth am y safonau newydd: Safonau hyfforddiant, dysgu diogelu | Gofal Cymdeithasol Cymru

Gan ddefnyddio’r ddolen hon, crynodeb Grwpiau | Gofal Cymdeithasol Cymru ar frig y dudalen mae opsiwn i weld y grwpiau mewn tabl. Mae hwn yn adnodd defnyddiol i helpu sefydliadau i ystyried pa grŵp o hyfforddiant y gallai gwahanol rolau ffitio iddo. Mae hefyd yn bwysig cofio mai ychydig sydd wedi newid o ran cynnwys hyfforddiant diogelu, bydd rhai datblygiadau yn adeiladu ar y dystiolaeth ddiweddaraf ond bydd llawer o’r cynnwys hyfforddi presennol sydd o safon dda yn gallu cael ei ddynodi’n adnoddau dysgu. ar gyfer y grŵp perthnasol. Bydd y fframwaith hyfforddi sy’n nodi’r amcanion dysgu ar gyfer pob grŵp yn gwneud hyn yn llawer cliriach a disgwylir iddo gael ei gyhoeddi ddiwedd y gwanwyn.

SWYDDOG CYFATHREBU (DROS GYFNOD MAMOLAETH) (DWYIEITHOG: CYMRAEG/SAESNEG) 2023/24

 

Oriau gwaith:                                     24 yr wythnos

Hyd y cytundeb:                                1 Ebrill 2023 – 31 Mawrth 2024                                               

Cyflog:                                                £26,845 pro rata (£17,413 gwirioneddol)

Yn atebol i:                                        Prif Weithredwr CWVYS

Man Gweithio:                                   Gweithio gartref/hyblyg (mae’r swyddfa ym Mae Caerdydd)

Dymuna CWVYS recriwtio Swyddog Cyfathrebu rhan-amser, i gyflenwi dros gyfnod mamolaeth deiliad presennol y swydd.

Rydym yn chwilio am berson cwbl ddwyieithog (Cymraeg a Saesneg), creadigol a medrus a fydd yn cefnogi anghenion cyfathrebu’r sector gwasanaethau gwaith ieuenctid yng Nghymru.

Efallai y bydd disgwyl i chi ymweld a’n Swyddfa ym Mae Caerdydd o bryd i’w gilydd ond swydd gweithio o gartref yw hon ac mae’r dewis o ddiwrnodau gwaith (Llun – Gwener) yn hyblyg.

 

Gwahoddir ymgeiswyr i nodi eu diddordeb yn y swydd hon trwy e-bostio paul@cwvys.org.uk

Wedi hyn, bydd copi o’r swydd ddisgrifiad/manyleb person a ffurflen gais yn cael eu hanfon atoch.

Wrth lenwi’r ffurflen gais, bydd disgwyl i ymgeiswyr brofi sut mae eu profiadau a’u sgiliau’n cyd-fynd â gofynion y rôl fel y nodir yn y swydd ddisgrifiad a manyleb person.

 

Y dyddiad/amser cau i dderbyn ceisiadau yw 10.00am ar 10 Chwefror 2023.

Bydd yr ymgeiswyr hynny a hoffem eu cyfweld yn cael eu hysbysu o’r broses berthnasol maes o law.

Diolch o flaen llaw am eich diddordeb.

Mae Taith Llwybr 1 ar agor eto ar gyfer ceisiadau! https://www.taith.cymru/newyddion/mae-llwybr-1-yn-yn-ol-ar-gyfer-2023/

 

I gefnogi ail-agor galwad ariannu Llwybr 1 mae tîm Taith yn cynnal cyfres o ddigwyddiadau ar-lein i gefnogi a hysbysu darpar ymgeiswyr. Gallwch ddod o hyd i ddyddiadau ac amseroedd isod a bydd clicio ar y dolenni yn mynd â chi i’r dudalen gofrestru.

 

Cyflwyniad i Lwybr 1:

 

Dydd Mawrth 24 Ionawr 2023 12:30-13:30 (Cymraeg)

Dydd Mercher 25 Ionawr 2023 16:00-17:00 (Saesneg)

Dydd Iau 26 Ionawr 2023 12:30-13:30 (Saesneg)

 

 

Cwblhau Ffurflen Gais Llwybr 1 2023:

 

Dydd Llun 6 Chwefror 2023 16:00-17:00 (Saesneg)

Dydd Mawrth 07 Chwefror 2023 12:30-13:30 (Cymraeg)

Dydd Iau 09 Chwefror 2023 12:30-13:30 (Saesneg)

 

 

Cwblhau Offeryn Cyfrifo Pathway 1 2023:

 

Dydd Mercher 15 Chwefror 2023 16:00-17:00 (Saesneg)

Dydd Iau 16 Chwefror 2023 12:30-13:30 (Saesneg)

Dydd Iau 16 Chwefror 2023 16:00-17:00 (Cymraeg)

 

Sesiwn Holi ac Ateb Llwybr 1:

 

Dydd Mawrth 07 Mawrth 2023 12:30-13:30 (Saesneg)

Dydd Iau 09 Mawrth 2023 16:00-17:00 (Saesneg)

 

Fel arfer, croesewir cwestiynau a sylwadau yn y Gymraeg neu’r Saesneg ym mhob digwyddiad, dim ond disgrifio’r iaith y cynhelir digwyddiad ynddo y mae’r iaith mewn cromfachau.

 

Hyd y digwyddiadau

Tua 60 munud

 

Gallwch ddod o hyd i restr o adnoddau a gasglwyd mewn un lle ar ein gwefan a byddwn yn ei diweddaru wrth i’r rownd ariannu hon ddatblygu:

https://www.cwvys.org.uk/resources/?lang=cy

Bydd Llwybr 1 yn cau i geisiadau ar yr 16eg o Fawrth.

 

Os oes gennych unrhyw cwestiynnau yn y cyfamser, mae croeso i chi ofyn fi, Paul@cwvys.org.uk  neu kari@bgc.wales neu vickycourt@wcia.org.uk

 

Er eich diddordeb, dyma dolen i cyfweliad bach neis gan Nia o’r Urdd am y daith Seland Newydd (wedi’i ariannu gan Taith) ar raglen Aled Hughes, mae’r cyfweliad yn dechrau tua’r 15.00: https://www.bbc.co.uk/sounds/play/m001h3ch

Cyhoeddodd Is-adran Etholiadau Llywodraeth Cymru yn ddiweddar eu bod yn bwriadu sefydlu cynllun grant i gefnogi gweithgareddau sy’n ymwneud â gwella ymgysylltiad democrataidd ledled Cymru.

Yr wythnos hon roedd y tîm yn falch o ddatgelu bod ceisiadau bellach yn cael eu croesawu gan sefydliadau am arian o’r “Grant Ymgysylltu Democrataidd”.

Rhennir ceisiadau rhwng y rhai sy’n gwneud cais am gyllid o dan £1000 a’r rhai sy’n gwneud cais am gyllid dros £1000.

Isod gallwch ddod o hyd i’r ddolen i’r wefan sy’n cynnwys yr holl wybodaeth ychwanegol. Sylwch fod y canllawiau ar gyfer y grant wedi’u cynnwys yn y ffurflenni cais.

Y grant ymgysylltu â democratiaeth | LLYW.CYMRU

Cyfle secondiad: Uwch Reolwr Strategaeth Gwaith Ieuenctid – Deddfwriaeth a Gweithio Rhanbarthol

Yma gallwch ddod o hyd i hysbyseb am gyfle secondiad i ymuno â Changen Ymgysylltu Ieuenctid Llywodraeth Cymru: 10. Senior Youth Work Strategy Manager – Legislation and Regional Working – Secondment – Cymraeg

Bydd yr ymgeisydd llwyddiannus yn canolbwyntio ar waith sy’n ymwneud â chryfhau neu sefydlu sail ddeddfwriaethol newydd ar gyfer gwaith ieuenctid yng Nghymru a ffrydiau gwaith cysylltiedig.

Dylid anfon datganiadau o ddiddordeb at dyfan.evans@llyw.cymru erbyn canol dydd, dydd Mercher 25 Ionawr 2023.

Mae croeso i unigolion gysylltu â Dyfan os oes ganddynt unrhyw gwestiynau am y cyfle hwn.