Category: Uncategorized

Helo,

A oes gennych ddiddordeb i roi cymorth i dyfu a datblygu’r gweithlu Gwaith Ieuenctid yng Nghymru?
Mae Llywodraeth Cymru yn ariannu 6 lle ar gyfer Gweithwyr Ieuenctid sydd gyda chymwysterau proffesiynol i hyfforddi fel Swyddogion Sicrhau Ansawdd Mewnol (IQAs) yng Nghymru drwy ymgymryd â: Dyfarniad mewn Sicrhau Ansawdd Mewnol mewn Prosesau ac Arferion Asesu, Lefel 4.

Mae’n rhaglen 1 flynedd ran-amser, a fydd yn eich cymhwyso i ddeall a chynnal asesiadau a sicrwydd ansawdd mewnol ar gyfer cymwysterau Gweithiwr Cymorth Ieuenctid ynghyd a hyfforddiant achrededig cysylltiedig

Am fwy o wybodaeth gweler y daflen sydd ynghlwm a ewch i:
www.adultlearning.wales/cym/amdanom/cyrsiau/samgi
E-bostiwch ni yn: gwaithieuenctid@addysgoedolion.cymru

Beth nesaf?
Ymwelwch â adultlearning.wales/about/ywiqa i:

1. Lenwi ffurflen Mynegi Diddordeb erbyn cano
2. .09.23 i fynychu’r Digwyddiad Gwybodaeth ar-lein ar 05.10.23, a 2pm
   A/NEU
   Llenwi Ffurflen Gais erbyn canol dydd 12.10.23

Mae’r grwpiau rydym yn awyddus i’w cefnogi yn darparu gwasanaethau a gweithgareddau a fydd yn gwneud gwahaniaeth enfawr i deuluoedd ac unigolion lleol sy’n wynebu argyfwng a chaledi. Mae’r grwpiau rydym yn awyddus i’w cefnogi yn darparu gwasanaethau a gweithgareddau a fydd yn gwneud gwahaniaeth enfawr i deuluoedd ac unigolion lleol sy’n wynebu argyfwng a chaledi.

Mae’r dyddiad cau i wneud cais yn un hanner dydd ddydd Mawrth 4ydd Gorffennaf 2023.

Bydd grantiau yn cwmpasu eu costau craidd a/neu prosiect grwpiau a all ddangos eu bod yn darparu gwasanaethau i’r gymuned er mwyn helpu i leihau sefyllfaoedd o argyfwng a chaledi.  Gall grwpiau wneud cais am uchafswm grant o £5,000 y flwyddyn am hyd at 3 blynedd.

Er mwyn cael eu hystyried ar gyfer cyllid aml–flwyddyn, rhaid i grwpiau allu cynhyrchu o leiaf un set o gyfrifon blynyddol (h.y. wedi bod mewn bodolaeth am o leiaf 12 mis).

Mae’r gronfa hon yn agored i elusennau a sefydliadau cymunedol sydd â chyfansoddiad, sy’n cefnogi pobl yn y gymuned leol o ganlyniad uniongyrchol i’r argyfwng costau byw:

• Grwpiau Cyfansoddedig
• Elusennau Cofrestredig a Sefydliadau Corfforedig Elusennol
• Cwmnïau Cyfyngedig drwy Warant (Nid er elw preifat)
• Cwmnïau Buddiannau Cymunedol
• Mentrau Cymdeithasol

Gwnewch gais ar-lein yma: https://communityfoundationwales.org.uk/cy/grants/ein-cymunedau-gydan-gilydd-cronfa-costau-byw/

Mae Llywodraeth Cymru yn cynnig cyfle secondiad i weithio ar ddatblygiad dwy ffrwd gwaith – cyfnewidfa gwybodaeth i Gymru fel rhan o gynnig digidol i bobl ifanc sy’n ymwneud â gwaith ieuenctid, a Chynllun Hawliau Pobl Ifanc.

Mae gwybodaeth bellach am y cyfle hwn yma: Uwch Reolwr Strategaeth Gwaith Ieuenctid – Gwasanaeth Gwybodaeth Ieuenctid, Cynllun Hawliau Pobl Ifanc – Secondiad – Cymraeg

Y dyddiad cau ar gyfer datganiadau o ddiddordeb yw dydd Mercher 19 Ebrill.

Gweler isod neges gan Lywodraeth Cymru am ail rownd y grant SVYWO:

Mae’n bleser gennym gyhoeddi y bydd ail rownd o gyllid ar gael drwy’r grant Sefydliad Gwaith Ieuenctid Gwirfoddol Strategol (SVYWO). Bydd y rownd hon yn rhedeg o fis Mai 2023 i fis Mawrth 2025.

Yma gallwch ddod o hyd i’r arweiniad a’r ffurflenni cais os dymunwch wneud cais;

Strategic Voluntary Youth Work Organisations Grant 2023-2025 (Round 2) – Information for grant applicants – Welsh

Strategic Voluntary Youth Work Organisations Grant – Application form 2023-2025 (Round 2) – Welsh

Nodwch os gwelwch yn dda y bydd Cynllun Cymorth i Sefydliadau Gwaith Ieuenctid Gwirfoddol hefyd yn agor yn fuan. Bydd y Cynllun hwn yn cynnig lefelau is o ariannu i sefydliadau gwirfoddol yn ystod 2023-24.

Bydd y Cynllun yn cael ei weinyddu gan CWVYS.

Bydd manylion pellach ar gael yn fuan. Nodwch os gwelwch yn dda na fydd sefydliadau sy’n derbyn arian drwy’r Grant Strategol ar gyfer Sefydliadau Gwaith Ieuenctid Gwirfoddol yn gymwys i hefyd dderbyn arian drwy’r Cynllun Cymorth i Sefydliadau Gwaith Ieuenctid Gwirfoddol, ac i’r gwrthwyneb.

Dylid cyfeirio unrhyw ymholiadau am y Grant Strategol ar gyfer Sefydliadau Gwaith Ieuenctid Gwirfoddol at gwaithieuenctid@llyw.cymru

Nod y pecyn cymorth yw troi’r egwyddorion yn  Protocol Cymru gyfan: lleihau troseddoli plant ac oedolion ifanc sydd â phrofiad o ofal  yn ymarfer.

Maen’t yn gobeithio y bydd yn cael ei ddefnyddio’n helaeth fel adnodd i hyfforddi a chefnogi cydweithwyr aml-asiantaeth sy’n gweithio gyda phlant ac oedolion ifanc gyda phrofiad o ofal.

Comisiynwyd yr elusen genedlaethol Missing People mewn partneriaeth â Llamau a’r ymgynghorydd Claire Sands gan Gonsortiwm Comisiynu Plant Cymru (4Cs) i ddatblygu’r pecyn cymorth hwn, gallwch ddod o hyd i’r holl wybodaeth yn ogystal â manylion digwyddiadau hyfforddi rhad ac am ddim ar wefan Missing People yma: https://www.missingpeople.org.uk/reducing-the-criminalisation-of-care-experienced-children-and-young-adults-in-wales-a-practical-toolkit-for-professionals#section-4

A hoffech chi i blant / pobl ifanc rydych yn gweithio â nhw gael eu cydnabod am eu cyfraniad i heddwch, cynaliadwyedd a chydraddoldeb yn rhan o ddigwyddiad rhyngwladol yng Nghymru?

Os felly, a wnewch chi eu hannog i ymgeisio am Wobrau Heddychwyr Ifanc 2023?

Ar 6 Gorffennaf 2023 bydd Canolfan Materion Rhyngwladol Cymru ar y cyd gydag Eisteddfod Gerddorol Ryngwladol Llangollen yn cynnal Seremoni Gwobrwyo Heddychwyr Ifanc ar faes yr Eisteddfod lle bydd pobl ifanc yn derbyn tystysgrif a Gwobr.
Mae’r CMRC yn estyn wahoddiad i blant a phobl ifanc (rhwng 5 a 25 blwydd oed) fynegi eu syniadau, eu teimladau a’u breuddwydion yn greadigol am sut medrwn greu byd mwy heddychlon, cyfiawn a chynaliadwy – trwy eiriau, celf neu yn ddigidol.
Gall pobl ifanc unigol neu grwpiau gyflwyno ceisiadau o dan y categorïau canlynol:

• Heddychwr Ifanc y flwyddyn
• Awdur Heddwch Ifanc y flwyddyn (2 gategori – i bobl ifanc Cynradd ac Uwchradd)
• Artist Heddwch Ifanc y flwyddyn (2 gategori – i bobl ifanc Cynradd ac Uwchradd)
• Dinesydd Byd-eang Ifanc y flwyddyn
• Sefydliad Ieuenctid Heddwch y flwyddyn (ar gyfer sefydliadau ieuenctid mwy)

Mae hi hefyd yn dderbyniol i enwebu rhywun arall, gyda’u caniatâd.
Y dyddiad cau ar gyfer ceisiadau eleni yw 12 Mehefin, 2023.

Medrwch weld disgrifiad mwy manwl am y categorïau, y telerau a’r amodau am y Gwobrau yn ogystal â’r ffurflen gais yma.

Anfonwch eich ceisiadau at centre@wcia.org.uk.

Isod mae gwybodaeth gan dîm Ymgysylltu Ieuenctid y Llywodraeth Cymru am y cymorth ychwanegol sydd ar gael i’r Sector Ieuenctid yng Nghymru;

Mae Gweinidog y Gymraeg ac Addysg wedi cytuno’n ddiweddar i gynnig cymorth pellach i’r sector gwaith ieuenctid i fynd i’r afael â rhai o heriau’r argyfwng costau byw a diogelu gwasanaethau wrth i ni barhau i weithio gyda’r Bwrdd Gweithredu Strategaeth Gwaith Ieuenctid a rhanddeiliaid eraill i ddatblygu a bwrw ymlaen ag argymhellion y Bwrdd Gwaith Ieuenctid Dros Dro. Bydd y camau hyn yn help i ymateb i unrhyw newid mewn anghenion pobl ifanc ac ar allu sefydliadau i barhau i ddarparu gwasanaethau sy’n diwallu’r anghenion hynny orau tra bod gwaith pellach yn cael ei wneud i ddatblygu argymhellion y Bwrdd Dros Dro.

Mae crynodeb o’r newidiadau hyn isod. Byddwn yn cysylltu â derbynwyr grantiau presennol a sefydliadau perthnasol eraill yn fuan i ddarparu rhagor o fanylion am y camau nesaf.

Y Cynllun Grant Strategol ar gyfer Sefydliadau Gwaith Ieuenctid Gwirfoddol (SVYWO)

Dyfarnwyd grantiau SVYWO yn wreiddiol yn gynnar yn 2022, ac maent yn rhedeg ar hyn o bryd o Ebrill 2022-Mawrth 2024. Byddwn yn cynnig mwy o gymorth drwy’r grant hwn o fis Ebrill 2023 ymlaen, fel a ganlyn:

• Bydd derbynwyr cyfredol grant SVYWO yn cael eu gwahodd i adolygu eu cynlluniau ar gyfer 2023-24 i gymryd i ystyriaeth amgylchiadau newidiol, y galw am wasanaethau, a mynd i’r afael ag newid mewn anghenion pobl ifanc ers cyflwyno ceisiadau yn hydref 2021.
• Bydd derbynwyr cyfredol grant SVYWO yn cael eu gwahodd i gyflwyno cais am barhad o gyllid am flwyddyn arall (hyd at fis Mawrth 2025).
• Byddwn yn agor ail rownd o gyllid drwy grant SVYWO ar gyfer sefydliadau gwaith ieuenctid gwirfoddol na fu’n llwyddiannus yn eu ceisiadau ar gyfer y rownd gyntaf, nad oeddent mewn sefyllfa i wneud cais am y rownd gyntaf, neu le y gallai eu hamgylchiadau fod wedi newid ac eu bod nawr yn dymuno gwneud cais am gyllid. Bwriedir i’r rownd newydd hon redeg rhwng Ebrill 2023 a Mawrth 2025.

Grant Cymorth Ieuenctid

Rydym yn bwriadu sicrhau bod cyllid pellach ar gael i awdurdodau lleol am gyfnod o ddwy flynedd (Ebrill 2023-Mawrth 2025) drwy’r Grant Cymorth Ieuenctid. Nod y cymorth ychwanegol hwn fydd amddiffyn a chryfhau gwaith partneriaeth gyda sefydliadau gwirfoddol a mynd i’r afael â’r heriau sydd wedi eu nodi uchod. Bydd uchafswm o 5% yn ychwanegol ar ben y dyraniadau presennol ar gael i awdurdodau lleol at y diben hwn. Disgwylir i gyllid ganolbwyntio ar ddarparu gwasanaethau.

Cefnogaeth i’r Sector Gwirfoddol

Byddwn yn gweithio gyda CWVYS i dreialu cynllun cymorth newydd ar gyfer sefydliadau gwaith ieuenctid gwirfoddol yn ystod 2023-24. Bydd hwn yn canolbwyntio ar roi mynediad cyflym a hawdd at gyllid i sefydliadau er mwyn helpu i liniaru rhai o’r heriau presennol. Bydd meini prawf a phrosesau ar gyfer y cynllun hwn yn cael eu datblygu dros yr wythnosau nesaf gyda’r nod o agor y broses ymgeisio ym mis Ebrill 2023. Bydd rhagor o wybodaeth ar gael am y cynllun hwn maes o law.

Datblygu’r gweithlu

Yn sgil argymhelliad y Bwrdd Gwaith Ieuenctid Dros Dro ar ddatblygu’r gweithlu a’r heriau sy’n gysylltiedig â recriwtio, cadw a hyfforddi staff, bydd cymorth ychwanegol ar gael i ETS yn ystod 2023-25 i helpu i ehangu cyfleoedd ar draws y sector o fewn y maes hwn. Bydd yr ehangu hwn yn ein helpu i ddeall yn well y materion allweddol yn ymwneud â datblygu’r gweithlu yn ogystal ag adnabod ffyrdd o gefnogi ymarferwyr yn eu gyrfaoedd o fewn y maes gwaith ieuenctid. Bydd y gwaith hwn yn canolbwyntio ar ategu a chyfoethogi cyfleoedd presennol. Megis dechrau mae cynllunio’r gwaith hwn a bydd y sector yn cael ei gynnwys yn y broses hon. Bydd rhagor o wybodaeth ar gael maes o law.

Yma gallwch ddod o hyd i ddatganiad ysgrifenedig gan Julie Morgan AS, y Dirprwy Weinidog dros Wasanaethau Cymdeithasol, ar Gyhoeddi Adroddiad y Grŵp Llywio, fel rhan o’r Adolygiad Gweinidogol o Chwarae: https://www.llyw.cymru/datganiad-ysgrifenedig-adolygiad-gweinidogol-o-chwarae-cyhoeddi-adroddiad-y-grwp-llywio

Mae tîm Taith wedi aildrefnu’r sesiynau buddiolwyr a ohiriwyd i’r wythnos nesaf.

Gallwch dod o hyd i ddolenni i gofrestru isod os gallwch chi fynychu.

Bydd buddiolwyr yn cael gwybodaeth am adrodd, gwneud newidiadau i brosiectau, gofyn am gyllid ychwanegol a hefyd dangosir adran yr aelodau ar wefan Taith iddynt.

Dydd Llun 06 Mawrth 12:30-1:30pm (Cymraeg)

Dydd Llun 06 Mawrth 4-5pm (Saesneg)

Dydd Iau 09 Mawrth 12:30-1:30pm (Saesneg)

Dim ond nodyn i’ch atgoffa bod cwpl o ddigwyddiadau Taith i chi eu mynychu cyn y dyddiad cau ar gyfer ceisiadau Llwybr 1 ar yr 16eg o Fawrth.

Cynhelir y digwyddiadau nesaf ar ddydd Mawrth y 7fed a dydd Iau y 9fed o Fawrth ac maent yn sesiynau cwestiwn ac ateb:

Os hoffech drafod eich syniadau ar gyfer cais gyda’r Corff Trefnu Sector ar gyfer Ieuenctid, cysylltwch â Chydlynydd Taith Canolfan Materion Rhyngwladol Cymru Vicky Court vickycourt@wcia.org.uk

Sesiwn Holi ac Ateb Llwybr 1 (cliciwch ar y dyddiadau i’w cysylltu â’r dudalen gofrestru):

• Dydd Mawrth 07 Mawrth 2023 12:30-13:30 (Saesneg)
• Dydd Iau 09 Mawrth 2023 16:00-17:00 (Saesneg)

Fel arfer, croesewir cwestiynau a sylwadau yn Gymraeg neu Saesneg ym mhob digwyddiad, dim ond disgrifio ym mha iaith y cynhelir y digwyddiad y mae’r iaith mewn cromfachau.

Gallwch ddod o hyd i restr o adnoddau a gasglwyd mewn un lle ar ein gwefan yma:
https://www.cwvys.org.uk/resources/?lang=cy

I aelodau CWVYS ac elusennau eraill yng Nghymru!

Gweler yr atodiadau hyn a’r neges ymhellach isod gan Jayne Kendall yn Ymddiriedolaeth Cranfield.

Taflen A4 Diwrnod Cyswllt Cranfield

Bywgraffiadau staff Cranfield

Maent yn cynnal diwrnod Cyswllt Elusennol ar yr 2il o Fawrth.
Bydd hwn yn ddiwrnod cyfan o gyngor arbenigol AM DDIM i elusennau.

Cofrestrwch a threfnwch apwyntiad os oes gennych chi neu’ch sefydliad unrhyw gyngor yr ydych yn chwilio amdano.

Gyda’r pwysau cynyddol ac uniongyrchol y mae elusennau yn ei wynebu yn yr hinsawdd bresennol rydym yn cynnig diwrnod llawn o gyngor arbenigol AM DDIM i elusennau gael mynediad at y cymorth personol sydd ei angen arnynt yn ystod apwyntiad ffôn penodol.

Os oes gennych unrhyw gwestiynau llosg i’n tîm o wirfoddolwyr cofrestrwch hefyd!

Dyddiad: Dydd Iau 2 Mawrth 2023

Amser: Apwyntiadau ar gael 9am – 5pm

Ar y diwrnod pwrpasol hwn, gall elusennau drefnu slot amser ar gyfer apwyntiad ffôn personol gydag un o’n Gwirfoddolwyr arbenigol neu Reolwyr Rhanbarthol i helpu i fynd i’r afael â pha bynnag her uniongyrchol y gallent fod yn ei hwynebu. Bydd apwyntiadau ar gael trwy gydol y dydd ond yn gyfyngedig felly peidiwch ag oedi!

Mae archebu’n gyflym ac yn hawdd – cwblhewch ein ffurflen ar-lein ac fe wnawn ni’r gweddill!

Gyda beth allwn ni helpu?

Mae pob cwestiwn yn wahanol a gallwn helpu gyda llawer o bethau gan gynnwys (ond heb fod yn gyfyngedig i):

Cynllunio ariannol a strategaeth
Llywodraethu
Ansolfedd
Arweinyddiaeth
Rheoli newid
Strategaeth a chynnwys digidol
Torri costau
Cyfeirio

Neu, yn syml, gallwn ddarparu seinfwrdd ar gyfer pa bynnag her y gall elusennau ei hwynebu.

Dymuniadau gorau

Jayne Kendall

Rheolwr Rhanbarthol Cymru